ການທຳລາຍລະເບີດແມ່ນສຳເລັດໄປດ້ວຍດີ ແລະ ມີປະສິດທິພາບສູງ ເຊິ່ງຄັ້ງນີ້ທີມງານໄດ້ນໍາໃຊ້ວິທີການທຳລາຍແບບແຮງຕໍ່າ ໂດຍການຕັດສ່ວນທ້າຍຂອງລະເບີດ ແລະ ຈູດດິນລະເບີດທາງດ້ານໃນໃຫ້ໝົດເພື່ອຮັບປະກັນຄວາມປອດໄພ. ວິທີການດັ່ງກ່າວນີ້ໄດ້ຖືກອອກແບບມາໂດຍສະເພາະ ເພື່ອຫຼຸດຜ່ອນຄວາມສ່ຽງຈາກການທຳລາຍລະເບີດແບບແຮງສູງ ເຊິ່ງຮັບປະກັນຄວາມປອດໄພໃຫ້ແກ່ທີມງານ ແລະ ຊຸມຊົນທີ່ຢູ່ອ້ອມຂ້າງ.ໂຄງການເກັບກູ້ລະເບີດແຫ່ງຊາດ ຈະສືບຕໍ່ເກັບກູ້ ແລະ ທຳລາຍລະເບີດບໍ່ທັນແຕກທີ່ຕົກຄ້າງ ເພື່ອສ້າງຄວາມປອດໄພໃຫ້ແກ່ການດໍາລົງຊີວິດ ແລະ ການທຳມາຫາກິນຂອງປະຊາຊົນລາວບັນດາເຜົ່າ ແລະ ການພັດທະນາເສດຖະກິດ-ສັງຄົມ ຂອງ ສປປ ລາວ.